“Hyundai” yenilənmiş “Creta” krossoverini təqdim edib. Modelin dizaynı 2019-cu ildə Los-Ancelesdə (ABŞ) debüt etmiş “Vision T” konseptual avtomobilin üslubunda hazırlanıb. Markanın yeni korporativ üslubu “Parametric Dynamics” adlanır.
Qeyd edək ki, “Creta”nın bəzi funksiyalarını “BlueLink” mobil proqramı vasitəsilə idarə etmək mümkündür. Məsələn, smartfondan istifadə edərək güc aqreqatını işə sala və ya avtomobilin yerini izləyə bilərsiniz.
Yenilənmiş “Creta” 115 ay gücünə malik 1.5 litrlik benzin mühərriklə təchiz olunub. İndoneziyada bazarında krossover 19 500 dollara satılır. Avtomobilin digər bazarlara çıxacağı tarix hələ açıqlanmayıb.
