Bank Olmayan Kredit Təşkilatı “İdeal Kredit” MMC barəsində inzibati xəta protokolu tərtib edilib.
Banker.az xəbər verir ki, protokol İnzibati Xətalar Məcəlləsinin 598.1.1-ci maddəsi yazılıb.
Protokol Nərimanov Rayon Məhkəməsinə göndərilib, işə baxan hakim Gültəkin Əsədovadır.
İnzibati Xətalar Məcəlləsinin 598.1.1-ci maddəsinə əsasən, (maliyyə institutları tərəfindən müştəri uyğunluğu tədbirlərinə, məlumat və sənədlərin saxlanılmasına və üçüncü şəxslərə güvənməyə dair tələblərə riayət olunmamasına, hər bir müştəriyə və əməliyyata görə) maddəsi ilə inzibati protokol tərtib olunub. Hüquqi şəxslər iyirmi min manatdan otuz min manatadək məbləğdə cərimə edilir.
