Polşada İkinci Dünya Müharibəsinə aid və içərisində qızıl külçələr olan qatar aşkar edilmişdir. BBC-nin Polşa KİV-nə istinadən verdiyi məlumata görə, bu qatar 1945-ci ildə sovet qoşunlarının gəlməsi zamanı yoxa çıxmışdı.
İçərisində qızıl külçələri olan qatarı isə iki kişi aşkar etmişdir və onlar tapıntının 10 faizini əldə etmək üçün hüquqşünaslara müraciət etmişlər. KİV-də qeyd edilən məlumata görə, onlar qatarın yükünün həqiqiliyini təsdiq edən bir neçə sənədlər təsdiq etmişlər.
Tarixçilər artıq uzun müddətdir ki, Vroçlava rayonunda itkin düşmüş qatar barədə mübahisələr aparırdılar. Bəzi məlumatlara görə, o atılmış tuneldə gizlədilmişdir. Uzun illər boyu davam edən axtarışlar isə heç bir nəticə verməmişdi.
Mütəxəssislərin sözlərinə görə, tapıntı həqiqi olarsa burada söhbət 300 kiloqram dəyərində olan qızıldan gedir. Bundan əlavə, qatarda partlayıcı maddənin də olması ehtimalı var.
