Böyük Britaniya kralı III Çarlz sərvətini artırıb və mərhum Britaniya kraliçası II Elizabetdən təxminən iki dəfə zəngin olub, bu barədə “The Time” yazıb.
Qəzetin hesablamalarına görə, III Çarlzın sərvəti 600 milyon funt sterlinq (745 milyon dollar), II Elizabetin sərvəti isə 370 milyon funt sterlinq (459 milyon dollar) olaraq qiymətləndirilir.
Şahzadə Diana ilə boşandıqdan sonra kral 17 milyon funt sterlinq (21 milyon dollar) itirib və monarxın keçmiş köməkçisinin dediyinə görə, hazırda maliyyə vəziyyətini “hərtərəfli şəkildə bərpa edir”. Nəşrin həmsöhbəti izah edib ki, monarx ona məxsus Kornuol hersoqluğundan gələn gəlirin yalnız bir hissəsini açıqlayıb.
III Çarlz anası II Elizabetin ölümündən sonra Böyük Britaniya kralı olub. Daha sonra kral hersoqluğun mülklərini inkişaf etdirməyə və Londonda ticarətə sərmayə qoymağa başlayıb.
