“Finoko” kreditləşməni və mənfəətini artırıb

“Finoko” bank olmayan kredit təşkilatı ASC (BOKT) 2019-cu il ərzində  4.79 mln. manatlıq faiz gəliri əldə edib.

Banker.az xəbər verir ki, bu barədə “RSM Azerbaijan” audit şirkəti tərəfindən aparılan audit hesabatında qeyd edilib.

BOKT ötən il ərzində 3 mln. manatlıq faiz xərci çəkib, beləliklə xalis faiz gəliri 1.78 mln. manatlıq faiz gəliri əldə etməsi ilə tamamlanıb. Problemli kreditlərin geridönməsi hesabına xalis faiz marjası 2.41 mln. manata qədər yüksəlib.

BOKT-un 1.79 mln. manatlıq əlavə xərclərindən sonra 617 min manatlıq mənfəət əldə edib. Nəticədə ili 349 min manatlıq xalis mənfəətlə tamamlayıb.

Banklardan kreditlər cəlb edilib

“Finoko” 2019-cu ildə “PAŞA Bank” ASC-dən bir illik müqavilə əsasında ötən ilin yanvarında 263 min manat, dekabrında isə 3.75 mln. manat həcmində kredit borcu götürüb ki, bunlarında illlik faiz dərəcəsi 7% və 8% təşkil edib. Həmin ilin yanvarında “Azər Türk Bank” ASC-dən 78 min manat (7%) və dekabrında Mərkəzi Bankdan 21 min manat (0.1%) manatlıq kreditlər cəlb edib.

Bundan əlavə, BOKT “Yelo Bank”dan yanvarda 595 min və 212.5 min manatlıq 7 faizlə kreditlər götürmüş və 2019-cu  ilin sonunda bu kreditləri tam bağlamışdır.

BOKT aktiv kreditləşmə edərək kredit portfelini  2019-cu ilin sonuna 19.06 mln. manata çatdırıb ki, bu da 23%-lik illik artım deməkdir. BOKT-un aktivləri isə hesabat dövrünün sonuna  29.12 mln. manat olub.

Xatırladaq ki, “Finoko” BOKT 2014-cü ildə yaradılıb və 4.86 mln. manatlıq nizamnamə kapitalı vardır. Hazırda təşkilat müştərilərə 4 filial və baş ofis vasitəsi ilə xidmət göstərir. Bunlar «Ekspress Yasamal», «Ekspress Tovuz», «Ekspress Qazax» və «Ekspress Göyçay» filiallarıdır.


Kredit müraciəti

Sizin müraciətiniz banka göndərildi.

24 saat işləyən filiallar 24 saat işləyən exchangelər Şənbə günü işləyən bank filialları