Prezident İlham Əliyev Baş Nazir vəzifəsinə gətirilən Əli Əsədova verdiyi tapşırıqlardan danışıb.
Dövlət başçısı yeni Baş Nazirə kadr islahatları aparmağı tapşırdığını bildirib:
“Yeni hökumət qarşısında bir sıra vəzifələr qoyulub. Mən Əli Əsədovu vəzifəyə təyin edərkən ona bir çox vəzifələr tapşırdım. Onun qarşısında qoymuşam ki, iqtisadi artım daha da qaldırılmalı, islahatlar aparılmalıdır, o cümlədən kadr islahatları aparılmaldır. Müasir, dünya görüşlü, müasir iqtisadiyyatı bilən, bilikli gənc kadrlar işə cəlb edilməlidir. Biz 21-ci əsrdə yaşayırıq, köhnə təfəkkürlə, köhnə biliklər ilə biz necə gələcəyə gedə bilərik?! Nə qədər biz təbii resurslara arxalanaraq inersiya yolu ilə gedə bilərik?!”
