Prezident İlham Əliyevin Davos Forumunda OPEC-lə bağlı zarafatı maraqla qarşılanıb.
Banker.az “Qafqazinfo”ya istinadən xəbər verir ki, prezident ona ünvanlanan “siz OPEC üzvü olmadan gündəlik 800 min barell neft istehsal edirsiniz. Heç OPEC-lə əlaqə yaradıb, “Azərbaycanda çətinlik çəkirik, bununla bağlı bir şeylər etməliyik” demisinizmi?” sualını cavablandırıb. Dövlət başçısı qeyd edib ki, bu mövzu OPEC üzvü olan ölkələrlə müzakirənin bir hissəsi olub: “OPEC üzvləri və böyük qeyri-OPEC istehsalçıları arasında neft istehsalının azaldılması ilə bağlı koordinasiya olarsa, bir nəticə əldə edə bilərik”.
Daha sonra prezident İlham Əliyev yarızarafatla OPEC üzvlərinin hər görüşündən sonra neftin qiymətinin düşdüyünü təəssüflə vurğulayıb: “Bu səbəbdən də yeni görüşdən ehtiyatlandıqlarını əlavə edib. Bəlkə də, bu görüşü keçirməmək daha yaxşıdır”.
Bu səmimi etiraf Forum iştirakçıları, eyni zamanda prezident tərəfindən də gülüşlə qarşılanıb.
[su_youtube url=”https://www.youtube.com/watch?v=rx8iOMrLDsI”]
