“Tesla” və “SpaceX”in qurucusu İlon Mask “NBC” telekanalında “Saturday Nigth Live” şousunun aparıcısı olacaq.
Banker.az bu barədə “Secretmag”a istinadən xəbər verir.
Qeyd edək ki, bu proqram ABŞ-da 45 ildən çoxdur ki, var.
Milyarder 8 may tarixində canlı yayım keçirəcək, telekanalın qonağı isə müğənni Mayli Sayrus olacaq.
İlon Maskın aparıcı olmaq planları sosial şəbəkələrdə tənqidlə qarşılanıb. “Aparıcı böyük sərvətdən başqa nəzərəçarpan istedada sahib olmalı deyilmi?”, – deyə “Variety” jurnalının redaktoru söyləyib.
Xatırladaq ki, daha əvvəl İlon Mask “Dəmir adam – 2” və “Böyük partlayış nəzəriyyəsi” filmində, o cümlədən “Niyə o?” serialında çəkilib. Bundan əlavə, milyarder “Simpsonlar”, “Rike və Morti” və “Cənub parkında” personajları səsləndirib.
“Saturday Night Live” ABŞ-ın televiziya tarixində ən populyar şoulardan biridir. Veriliş hər şənbə günü saat 23:30-da başlayır və bir saat yarım davam edir.
