8 C
Baku
Çərşənbə axşamı, Dekabr 7, 2021

İlon Mask daha 930 mln. dollarlıq “Tesla” səhmlərini satıb

“Tesla”nın baş direktoru İlon Mask daha 934 091 səhm satıb. İş adamı bundan 930 milyon dollar qazanıb. Qeyd edək ki, bir gün qabaq “Tesla” qiymətli kağızları demək olar ki, 2% ucuzlaşaraq səhm başına 1013.39 dollara düşüb.

Banker.az xəbər verir ki, bunun fonunda şirkətin kapitallaşması 207 milyard dollar azalıb.

Cənab Mask “Tesla”dakı payını noyabr ayında satmağa başlayıb. Ötən həftə o, təxminən 2 milyon səhmini 2.5 milyard dollara satıb. Milyarder sosial şəbəkələrdə bildirib ki, bunu vergi borcunu ödəmək üçün edir.

Dünən, noyabrın 15-də milyarder “Tesla”nın daha çox səhmini satmağa hazır olduğunu açıqlayıb. Bundan əlavə, o, konqresmen Berni Sandersin ən varlı amerikalıları ədalətli vergiyə cəlb etmək çağırışına mənfi reaksiya göstərib. İlon Mask ABŞ-da “milyarderlər üçün vergi”nin tətbiqinə qarşı çıxıb.

Son xəbərlər
Oxşar xəbərlər
X