İlon Maskın “xAI” adlı süni intellekt startapı 10 milyard dollarlıq maliyyələşdirmə dövrünü bağlayıb, bunun yarısını borc maliyyələşdirilməsi, digər yarısını isə strateji kapital investisiyaları təşkil edir.
“CNBC” xatırladır ki, pul “ChatGPT” (“OpenAI”), “Claude” (“Anthropic”) və digər bazar oyunçuları ilə görüşdə süni intellekt və “Grok” çat-botu üçün infrastrukturun inkişafına yönəldiləcək. Bir neçə ay əvvəl Mask demişdi ki, “xAI” Tennessi ştatının Memfis şəhərində “Colossus” superkompüterinin ölçüsünü iki dəfə artıraraq 200 min qrafik emal vahidinə (GPU) çatdırıb. İş adamı “Nvidia” və “AMD”dən çiplər almağa davam edir və Memfisdən kənarda 1 milyon GPU ilə bir layihə planlaşdırır.
Xatırladaq ki, mart ayında “xAI” startapı “X” sosial şəbəkəsini 33 milyard dollara alıb. Süni intellekt startapının özü 80 milyard dollar dəyərində qiymətləndirilib. Belə bir qiymətləndirmədən sonra Mask dövlət xidmətini tərk etdikdən dərhal sonra (DOGE – ABŞ Hökumətinin Səmərəlilik Departamentinə nəzarətdən) səhmlərini satmağı və investisiya raundunu artırmağı planlaşdırırdı.
