ABŞ Qiymətli Kağızlar və Birja Komissiyasına (SEC) təqdim edilən sənədə əsasən, “Tesla”nın qurucusu və baş direktoru İlon Mask şirkətdəki payını 20.5%-ə qədər artırıb. “Business Insider” xəbər verir ki, hazırda biznesmen avtomobil istehsalçısının ümumi dəyəri 120 milyard dollardan çox olan qiymətli kağızlarına sahibdir. Bundan əvvəl Mask “Tesla”nın təxminən 13%-nə sahib idi.
Milyarder hazırda şirkətin 411.06 milyon adi səhminə, həmçinin 303.96 milyon səhm almaq opsionlarına malikdir. Mask 31 dekabr 2023-cü ildən sonra 60 gün ərzində opsionlardan istifadə edə bilər. Bu məlumatın açıqlanmasından sonra “Tesla” səhmləri 15 fevral cümə axşamı günü ticarətin sonunda 6.22% artaraq 200.45 dollara çatıb.
2024-cü ilin yanvarında iş adamı “Tesla”dakı payını ən azı 25%-ə çatdırmaq istədiyini bildirib. Maskın sözlərinə görə, bu yolla o, şirkətdə qərarlar qəbul edərkən lazımi təsirə malik olacaq.
