İndoneziya Xarici İşlər Nazirliyi Rusiyaya BRICS-ə qoşulmaqda göstərdiyi dəstəyə görə təşəkkür edib. Departament bildirib ki, İndoneziya assosiasiyada “qlobal asayişin qorunmasında aktiv rol” oynamaq niyyətindədir.
Qeyd edək ki, Braziliya yanvarın 6-da İndoneziyanın BRICS-ə üzv olduğunu açıqlayıb. Qərar 2023-cü ildə Yohannesburqda keçirilən sammitdə assosiasiyanın bütün ölkələri tərəfindən təsdiqlənib. 2025-ci ildən Belarus, Boliviya, Qazaxıstan, Kuba, Malayziya, Tailand, Uqanda və Özbəkistan da BRICS-in tərəfdaşlarıdır.
