Azərbaycan Mərkəzi Bankı 2024-cü ildə ölkədə illik inflyasiyanın 5-5.5 % civarında olacağını gözləyir.
Banker.az xəbər verir ki, bu barədə AMB-nin 2024-cü il üçün pul siyasətinin əsas istiqamətləri barədə Bəyanatında bildirilir.
Məlumata görə, inflyasiyanın xarici amillərinin səngiməsi və hökumətlə birlikdə həyata keçirilən antiinflyasiya tədbirləri ortamüddətli dövrdə inflyasiyanın hədəf diapazonunda formalaşmasını dəstəkləyəcək.
Xatırladaq ki, Azərbaycan Mərkəzi Bankının illik inflyasiya üzrə hədəf çərçivəsi 2%-6% arasında dəyişir.
