2021-ci ilin fevral ayında “Instagram”ın Azərbaycan bazarında payı 22.78% təşkil edib ki, bu da ötən ilin analoji göstəricisindən 3.41 faiz bəndi çoxdur.
Banker.az “Global Stats” statistika mərkəzinə istinadən verdiyi məlumata görə, “Twitter”in Azərbaycanın sosial media bazarında payı isə 22.22% təşkil edib. Bir il ərzində ölkə üzrə “Twitter” şəbəkəsinin istifadəçilərinin fəallığı 12.82% artıb.
Bu ilin fevral ayı ərzində ölkə üzrə “YouTube” şəbəkəsinin istifadəçilərinin fəallığı 0.2 faiz bəndi artıb. Martın 1-nə olan məlumata görə, “YouTube” Azərbaycan sosial media bazarında 20.2% bazar payı ilə 3-cü yerdə qərarlaşıb.