“Instagram” sosial şəbəkəsi foto və videoları yalnız istifadəçiyə yaxın olan müəyyən qrup insanlarla paylaşmağa imkan verən yeni funksiyanı sınaqdan keçirir, Banker.az bu barədə Kommersant-a istinadən xəbər verir.
Belə ki, postu dərc edən zaman “Instagram” istifadəçidən onu “hamı”, yaxud “yaxın dostlar” ilə paylaşmaq istədiyini soruşacaq. Tərtibatçıların fikrincə, yenilik istifadəçilərin “yalnız dostlar” üçün ayrı bir hesab yaratmaq ehtiyacını aradan qaldıracaq.
Xatırladaq ki, 2018-ci ildə sosial şəbəkə “Hekayələr”i də istəkdən asılı olaraq iki qrup insanlar (“hamı” və “yaxın dostlar”) üçün bölüşməyə icazə verib.
