“Instagram” sosial şəbəkəsi dərc olunan bütün videolara altyazı əlavə edəcək.
Banker.az xəbər verir ki, bu barədə şirkətin rəhbəri Adam Mosseri məlumat verib. O qeyd edib ki, istifadəçilər bu funksiyanın tətbiqini çoxdan gözləyirdilər.
Avtomatik altyazı eşitmə qabiliyyəti olmayan insanlara kömək etmək üçün nəzərdə tutulub. Funksiya defolt olaraq işləyəcək, lakin onu söndürmək mümkün olacaq. Əvvəlcə altyazı bir neçə dildə olacaq, lakin gələcəkdə mövcud dillərin sayı artırılacaq.
