“Instagram” sosial şəbəkəsi birbaşa post redaktorunda şəkillərin üzərinə mətn və stiker əlavə etmək funksiyasını işə salıb, Banker.az bu barədə Kommersant.ru-ya istinadən xəbər verir. Qeyd edək ki, daha əvvəl bunu yalnız kənar tətbiqlər vasitəsilə etmək mümkün idi.
Bundan əlavə, tətbiqdə bir şəkilin üzərinə başqa bir şəkil qoymaq mümkün olub, “Hekayələr”ə isə yeni animasiya və şriftlər gəlib. Tərtibatçıların fikrincə, bu, istifadəçilərə mətnin cəlbediciliyini artırmağa və vizual olaraq diqqəti cəlb edən kontent yaratmağa kömək edəcək.
Daha əvvəl “Instagram” süni intellekt vasitəsilə istifadəçinin kopiyasını yaratmaq, həmçinin paylaşılan “Hekayələr”i gizli etmək funksiyalarını işə salmışdı.
