“Instaqram”a yeni funksiya əlavə ediləcək, onun köməyi ilə süni intellektə malik alətdən istifadə edərək şəkilləri redaktə etmək mümkün olacaq. Bildirilir ki, yeni funksiya şəklin fonunu, həmçinin ümumi üslubunu dəyişməyə imkan verəcək.
Qeyd olunur ki, süni intellekt alətindən istifadə etməklə redaktə edilən kontent digər istifadəçiləri yanıltmamaq üçün xüsusi işarə alacaq. Şirkət funksiyanın nə vaxt istifadəyə veriləcəyini bildirmir.
