6 C
Baku
Şənbə, Yanvar 22, 2022

“InvestAZ”-dan dünya maliyyə bazarları ilə bağlı həftəlik analiz (Avro, funt və qızıl dəstək görməyə başlayıb)

®InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR. 

Almaniyada ixraca dair fundamental göstəricilərin müsbət açıqlanması, EURUSD məzənnəsində ilk dəstəyin gəlməsinə səbəb olmaqla, bahalaşmağa başlayıb. Təhlillərə əsasən, avro 1.13$-ın üzərində qaldıqca, 1.1430-a kimi bahalaşmaqda davam edə bilər. 

GBP. 

İngiltərə Mərkəzi Bankın faizlərini daha da yüksəldə biləcəyi ehtimalları, GBPUSD məzənnəsinin də bahalaşmasına səbəb olur. Burada funt sterlinq 1.35$-ın üzərində qaldıqca, 1.38$-a kimi dəyər qazana bilər. 

TRY. 

USDTRY məzənnəsinin 14 – 13TL aralığında stabilləşdiyi müşahidə edilir. Burada növbəti trend sözügedən sərhədlərdən birinin qırılması ilə müəyyən olunacaqdır. 

Bununla yanaşı, investorlar gələn həftə dərc ediləcək TCMB-nin növbəti faiz qərarını gözləyirlər. 

OIL. 

Enerji birjalarında neftə olan tələbin yenidən artdığı müşahidə edilir. Bu, Brentin bir barelinin 90$-a kimi dəyər qazanacağını proqnozlaşdırmağa əsas verir. 

Çərşənbə günü saat 19:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir. 

GOLD. 

Dünyada siyasi və iqtisadi risklərin yenidən artması, qızıla olan tələbin də artmasına səbəb olur. Beləliklə, sonuncu dəfə 1783$-da (57.3$/qram) dəstək görən bir unsiya qiymətin 1813$-a (58.3$/qram) kimi dəyər qazanacağı ehtimal edilir. 

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin 

Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Son xəbərlər
Oxşar xəbərlər