®(Artan qeyri-müəyyənliklər dollar üzərində təzyiqləri də artırır)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
Ötən həftə Amerikada proqnozların altında açıqlanan ÜDM göstəricisi, eləcə də, İngiltərədə proqnozları üstələyən İqtisadi İnkişaf Səviyyəsi və Avrozonada ehtimalların üzərində dərc olunan inflyasiya göstəriciləri fonunda EURUSD və GBPUSD məzənnələri müvafiq olaraq 1.09$ və 1.24$ hədlərinə kimi bahalaşdı.
Lakin cümə günü ABŞ-da açıqlanan və FED-in inflyasiya göstəricilərindən biri olaraq qəbul etdiyi Fərdi İstehlak Xərcləri fevral ayında 0.2% faiz artaraq proqnozların üzərinə yüksəlməsi, həmçinin ərzaq və enerji məhsulları istisna olmaqla Baza Şəxsi İstehlak Xərcləri Qiymət İndeksi isə aylıq 0.3%, illik isə 4.6% artması dollar indeksinə bir qədər dəstək oldu.
Digər tərəfdən FED rəsmilərinin monetar siyasətin gələcəyi ilə bağlı verdiyi açıqlamalar da DXY-ın 101.70 bənd həddindən dəstək alaraq 102.20 bənd hədlərinə kimi yüksəlməsinə səbə oldu.
Bu həftə Amerikada açıqlanacaq əmək bazarına dair statistik göstəricilər, xüsusilə də “NFP” DXY-da tendensiyanın gedişinə ciddi təsir edə bilər.
EUR
Bu həftə Almaniyada və Avrozonada açıqlanacaq Sənaye və Xidmət Sektorlarında Biznes Aktivliyi İndeksləri EURUSD məzənəsində tendensiyanın formalaşmasında əhəmiyyətli rol oynaya bilər. Təhlillərə əsasən EURUSD 1.09$ üzərində möhkəmlənərsə, avro dollar qarşısında 1.11$ hədlərinə qədər bahalaşa bilər.
GBP.
Ötən həftəni 1.22$ səviyyəsinin üzərində tamamlayan GBPUSD məzənnəsində trendin necə davam edəcəyinə bu həftə İngiltərədə dərc olunacaq Sənaye və Xidmət Sektorlarında Biznes Aktivliyi İndeksi göstəriciləri ciddi təsir edə bilər.
GOLD.
Cümə günü FED-in inflyasiya göstəricisi olaraq qəbul etdiyi Fərdi İstehlak Xərcləri və ərzaq və enerji məhsulları istisna olmaqla Baza Şəxsi İstehlak Xərcləri Qiymət İndeksinin proqnozların üzərində açıqlanması fonunda qızılın unsiya üzrə qiyməti ucuzlaşaraq həftəni 1969$ səviyyəsində başa vurdu.
Təhlillərə əsasən bu həftə Amarikada açıqlanacaq əmək bazarı xüsusilə də NFP, eləcə də Amerika, Avrozona və İngiltərədə dərc olunacaq Sənaye və Xidmət Sektorlarında Biznes Aktivliyi İndeksləri valyuta bazarlarında aktivliyin artmasına səbəb ola bilər. Bu isə qiymətli metalın qiymətlərində də ciddi dalğalanmalar yarada bilər. Qiymətli metalın bir unsiya üzrə dəyəri 1950$ həddinin altına düşsə, 1933$-a və 1920$-a kimi ucuzlaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
