®InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR.
Amerikada inflyasiyanın son 41 ilin maksimumlarına yüksəlməsi fonunda FED-in daha sərt monetar siyasət xətti izləyəcəyi yönündəki ehtimalların artması EURUSD məzənnəsinin kəskin ucuzlaşmasına səbəb olmaqdadır.
Təhlillərə əsasən, cütlüyün qiyməti 1.05$-ın altında qaldıqca eniş tendensiyası 1.03$-a kimi davam edə bilər.
GBP.
GBPUSD məzənnəsində də eniş tendensiyası müşahidə olunur. Əgər 1.23$-ı altında qalsa, funt sterlinq 1.21$-ə qədər ucuzlaşa bilər.
Bununla yanaşı, İngiltərədə ÜDM göstəriciləri, İngiltərə mərkəzi bankının toplantısı və faiz qərarı investorların diqqət mərkəzində olacaqdır. Həmçinin çərşənbə axşamı baş tutacaq FED toplantısı və qəbul olunacaq faiz qərarı da maraqla gözlənilir.
TRY.
1$-ın 17TL-yə qədər bahalaşmasından sonra USDTRY məzənnəsində qiymətin 18TL hədlərinə qədər yüksələcəyi proqnozlaşdırılır.
OIL.
Ötən həftənin son ticarət günündə 121$-a kimi ucuzlaşsa da, neftdə artım trendinin qorunduğu ehtimal olunur.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD.
Əlvan metallar bazarlarında qızıl etibarlı liman rolunu uğurla davam etdirir. 1865$-dan təklif olunan qiymətli metalın bir unsiya üzrə dəyərinin 1890$-a (60.77$/qram) kimi bahalaşa biləcəyi proqnozlaşdırılır.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
