Yeni “iPhone 11 Pro Max” artıq bir sıra testlərdən keçib.
“Techinsights” sözügedən smartfonu hissələrə ayıraraq onun maya dəyərini öyrənib.
Beləliklə mütəxəssislərin hesablamalarına əsasən yeni iPhone 11 Pro Max-ın maya dəyəri 490.5$ təşkil edir. Bu isə keçən ilki iPhone XS Max-ın maya dəyərindən daha yüksəkdir. Belə ki, keçən ilki iPhone XS Max-ın maya dəyəri 443$ təşkil edir. Buna baxmayaraq smartfonun istehsal qiyməti ilə onun satış qiyməti arasındakı fərq olduğu kimi qalır. Yəni smartfon ikiqat baha qiymətə satılır.
- Oxşar yazı: Azərbaycanda iPhone 11 Pro Max bəs neçəyədir?
Qeyd etmək lazımdır ki, iPhone 11 Pro Max-ın qiyməti 1099$-dan başlayır. Mütəxəssislər bildiriblər ki, sözügedən smartfonun ən bahalı hissəsi məhz üçlü arxa kameradır. Onun qiyməti 73.5$ təşkil edir. Növbəti ən bahalı komponentlər isə ekran (66.5$) və Apple A13 (64$) prosessorudur.
Yeni “iPhone”nun maya dəyəri özündə yalnız smartfonun daxili komponentlərinin qiymətlərini birləşdirir.
Yəni smartfonun maya dəyəri göstəricisinə tədqiqat, reklam və s. kimi xərclər daxil deyil.
Yeni Çağ
