Yeni Zelandiya və Avstraliyada 7 oktyabr iPhone 14 Plus-un təqdimat tarixi olub. Qeyd edək ki, saat fərqinə görə ilk olaraq bütün yeniliklər Avstraliya və Yeni Zelandiyada çıxır və iPhone 14 Plus istisna deyil.
Xatırladaq ki, iPhone 14, iPhone 14 Pro və iPhone 14 Pro Max sentyabrın 7-si çıxıb. 6.7 düymlük iPhone 14 Plus-un təqdim edilməsi ilə bağlı müxtəlif şayiələr yayılsa da, “Apple” təqdimatı təxirə salmağa qərar verib.
Banker.az bu barədə xarici mediaya istinadən xəbər verir.
iPhone 14 Plus modeli 6.7 düymlük ekran alıb və iPhone 14 Pro modelinin bir çox funksiyalarını özündə təkrarlayır. Cihazın batareya tutumu 4325 mAh təşkil edir. Yeni Zelandiya və Avstraliyadan sonra Yaxın Şərqdə, Avropada və Şimali Amerikada satışların başlayacağı gözlənilir. İlin sonunda həmçinin yeni iPad Pro, MacBook Pro və Mac mini təqdim olunacaq.
