Dizayner Yan Zelbonun “9to5Mac”dan əldə etdiyi çertyojları çevirdiyi təsvirlərə görə, iPhone 15 smartfonu 6.2 düymlük ekrana sahib olacaq. Xatırladaq ki, iPhone 14 modelinin ekran ölçüsü 6.1 düym təşkil edir.
Banker.az bu barədə xarici mediaya istinadən xəbər verir.
Bundan əlavə, təsvirlər təsdiqləyir ki, iPhone 15-də köhnə versiyalarda olduğu kimi düymə olmayacaq. Eyni zamanda, smartfon 6-8 GB operativ yaddaş, “Dynamic Island” və “Lightning” yerinə USB-C alacaq.
Yeni modeldə üç kamera olacaq – ikili əsas kamera və bir ön kamera.
Mənbə qeyd edir ki, iPhone 15 Pro modeli eksklüziv tünd qırmızı rəngdə təqdim ediləcək.
Həmçinin bildirilir ki, “Apple” iPhone 15 və iPhone 15 Plus üçün iki rəngi sınaqdan keçirir – mavi və çəhrayı. Lakin bu çalalar dəyişə bilər.
