Sentyabrın 12-də “Apple” şirkəti yeni iPhone 15 xəttinin təqdimatını keçirəcək. Yayımdan bir neçə həftə əvvəl insayder “Sonny Dixon” yeni cihazların yüksək keyfiyyətli fotoşəkillərini dərc edib, Banker.az bu barədə xarici mediaya istinadən xəbər verir.
Beləliklə, iPhone 15 və iPhone 15 Plus beş rəngdə olacaq: qara, yaşıl, mavi, ağ və çəhrayı. Hər iki model tamamilə eyni kamera dizaynına malik olacaq, əsas yenilik isə USB-C olacaq.
iPhone 15 Pro və Pro Max daha tünd çalarlarda və titandan hazırlanacaq. Smartfon modellərinin digər detalları 12 sentyabr Bakı vaxtı ilə saat 21:00-da açıqlanacaq.
