“Apple” şirkəti yeni nəsil iPhone 17-ni təqdim etməyə hazırlaşır. Son məlumata görə, cihazın anonsu sentyabrın ikinci həftəsində (9 və ya 10 sentyabrda) baş tutacaq. Ümumilikdə, iPhone 17-nin dörd modeli təqdim ediləcək:
– iPhone 17;
– iPhone 17 Air;
– iPhone 17 Pro;
– iPhone 17 Pro Max.
Pro modelləri xüsusilə arxa tərəfdə əhəmiyyətli vizual dəyişikliklərə məruz qalacaq ki, bu da əvvəlki nəsillərlə müqayisədə dizaynda daha radikal dəyişiklikləri göstərə bilər.
Maraqlıdır ki, 2025-ci ildə təqdim edilən Galaxy S25 Edge bazarda populyarlıq qazana bilməyib, satışlar “Samsung”un gözlədiyindən aşağı olub. Ola bilsin ki, “iPhone 17 Air”in buraxılması vəziyyəti dəyişəcək və nazik smartfonlar üçün yeni tendensiyaya səbəb olacaq.
