Azərbaycan Respublikası İpoteka və Kredit Zamanəti Fonduna məxsus nominal dəyəri 1 000 AZN olan istiqrazların qiymətində artım müşahidə edilir.
Banker.az-ın əldə etdiyi məlumata görə, İKZF-in istiqrazları oktyabrın əvvəlində keçirilən hərracda 1 006.59 manat olub. Bu isə sonuncu, 17 sentyabr hərracında 1 005.33 manat təşkil etmişdir.
Bu iki həftə sonra 1.26 manat artımın olması deməkdir.
Sonuncu dəfə isə 2020-ci ilin iyun ayının 11-də keçirilən hərracda qeydə alınan 1 008.08 manatdan sonra ikinci ən böyük göstəricidir. Hətta ilin ilk aylarında bu istiqrazlar hərraclarda nominal qiyməti ilə ticarət olumuşdu.
İpoteka istiqrazları haqqında – sifarişlərin nominal qiymətlə ümumi məbləği 50 milyon manat, istiqrazların nominal qiymətlə yerləşdirilmiş həcmi isə 25 milyon manat təşkil edir. Ödəniş faizi isə cəmi 3% təşkil edir. İstiqrazların faiz gəlirlərinin ödənişi 6 aydan bir təşkil edilir, qiymətli kağızlar üzrə ödəniş isə 2040-cı il aprelin 6-da ödəniləcək.
Banker.az analitikləri bildirir ki, ipoteka istiqrazlarına son aylarda kreditləşmənin ləng getməsi səbəbindən bankların daha çox marağına səbəb olur. Buna görə də banklar əllərindəki faizli borcları bu növ maliyyə alətləri ilə balanslaşdırırlar.
