İpoteka və Kredit Zəmanəti Fondunun maliyyə aktivlərinin həcmi tarixi maksimum yenilədi.
Banker.az xəbər verir ki, bu barədə “RSM Azerbaijan” audit şirkəti tərəfdən verilən rəydə deyilir.
1 yanvar 2021-ci il tarixinə maliyyə aktivlərinin həcmi 1 milyard 344 milyon manat təşkil edib. Bu da illik müqayisədə 28% artım deməkdir.
İKZF-in ipoteka kreditlərinin cəmi portfeli 1 milyard 138 milyon manat təşkil edib. Bu portfel isə son bir ildə 14% artırılmışdır.
Fondun banklardakı depozitlərinin həcmi isə 77% artımla 42.54 milyon manata, maliyyə icarəsi üzrə alınacaq haqların həcmi isə bu il 53.37 milyon manatdır.
