“Azərbaycan Respublikasında ipoteka kreditləşməsinin bəzi məsələləri haqqında” fərmana düzəlişlər İpoteka və Kredit Zəmanət Fondu tərəfindən verilmiş ipoteka şərtlərinin yenidən baxılmasını nəzərdə tutur.
Belə görünə bilər ki, ipoteka şərtlərinin dəyişdirilməsi yaşayış daşınmaz əmlakının müsadirə edilməsi, məhkəmə çəkişmələri və ödəniş qabiliyyətinin olmaması ilə bağlı digər problemləri həll edir. Amma Fondun qeyri-şəffaf fəaliyyəti, ucuz kreditlərin kimə və hansı əsaslarla verilməsi haqda informasiyanın olmaması yenilənən qanunvericiliyin effektivliyinə şübhə yaradır, deyə maliyyə analitiki Əkrəm Həsənov bildirib. Şəffaflığın olmaması düşünmək üçün geniş məkan yaradır – ipoteka adı ilə ucuz kreditlər kimlərə verilir?
