İrakli Qaribaşvili: “Gürcüstan Azərbaycanla daha çox dialoq aparmalıdır”

İrakli Qaribaşvili

“Bölgədə hamı üçün gözlənilməz yeni reallıq yaranıb və bu, əlbəttə ki, ölkəmiz üçün çoxlu çağırışlar yaradır”.

Bunu Gürcüstanın baş naziri vəzifəsinə namizəd İrakli Qaribaşvili parlament çoxluğu ilə görüşdə deyib.

O, regionda sabitlik və təhlükəsizliyin Gürcüstan üçün hər zaman olduqca mühüm əhəmiyyət kəsb etdiyini bildirib.

İ.Qaribaşvili Gürcüstanın iki qonşu ölkə – Azərbaycan və Ermənistanla dostluq münasibətlərinin olduğunu qeyd edib: “Bizim bu iki ölkə ilə münasibətlərimiz dəyişməz olaraq qalır və onlarla eyni səviyyədə dostluq edirik. Hesab edirəm ki, yeni reallıqlar nəzərə alınmaqla, Gürcüstanın Azərbaycan və Ermənistanla daha çox dialoq aparmasına ehtiyac var”.


Kredit müraciəti

Sizin müraciətiniz banka göndərildi.