İran Birləşmiş Ərəb Əmirliklərinə səfir göndərir.
İran və BƏƏ arasında əldə olunan razılaşmadan sonra iki ölkə diplomatik münasibətlərini bir daha səfirlər səviyyəsinə yüksəltmək qərarına gəlib.
Bu xüsusda BƏƏ-dən Seyf Məhəmməd Obaid Əl-Zaabi İrandakı səfir kimi Tehrana qayıdıb və rəsmi olaraq BƏƏ-nin İrandakı səfiri kimi Tehranda fəaliyyətə başlayıb.
Xəbərə görə, İranın BƏƏ-dəki yeni səfiri isə Reza Ameri olacaq. Ameri İran Xarici İşlər Nazirliyində Xaricdəki İranlılar ilə İş üzrə İdarənin rəisi vəzifəsində çalışıb. O, bundan əvvəl İranın Əlcəzair, Sudan və Eritreyadakı səfiri olub.
Bildirilib ki, Reza Ameri yaxın vaxtlarda İranın Əbu-Dabidəki səfiri kimi fəaliyyətə başlayacaq.
