İranda istehsalatı yüksəltmək üçün lazımi kapital toplamaq mümkün olmayıb.
Bunu İranın iqtisadiyyat və maliyyə naziri Əbdülnasir Himməti İRNA-ya müsahibəsində bildirib.
Onun sözlərinə görə, son iki il səkkiz ayda İran iqtisadiyyatına 2 milyard 100 milyon dollar sərmayə qoyulub.
Nazir qeyd edib ki, iqtisadi inkişafın səviyyəsi üç-dörd faizi keçməyib: “8 faizli iqtisadi səviyyəyə yetişmək çox çətindir”.
Əbdülnasir Himmətinin sözlərinə görə, ölkəsində məhsuldarlıq sıfıra yaxındır, istehsalda istifadə üçün xarici sərmayə azdır.
