İyulun 22-də Tehranda İran, Rusiya və Çin nümayəndələrinin üçtərəfli görüşü keçirilib. Görüşün əsas mövzusu İranın nüvə proqramı olub, “Tasnim” xəbər verir.
İran agentliyinin məlumatına görə, tərəflər məsləhətləşmələri davam etdirmək və mövqelərini və hərəkətlərini əlaqələndirmək barədə razılığa gəliblər. Qarşıdakı həftələrdə “müxtəlif səviyyələrdə” görüşlərin davam etdirilməsi planlaşdırılır.
Həmçinin danışıqlar çərçivəsində Rusiya və Çin nümayəndə heyətlərinin rəhbərləri İranın xarici işlər nazirinin siyasi məsələlər üzrə müavini Məcid Təxt-Rəvançi ilə ayrı-ayrılıqda görüşüblər. Söhbətlərin təfərrüatları açıqlanmır.
Aprelin 12-dən bəri İran və ABŞ Omanın vasitəçiliyi ilə beş mərhələli danışıqlar keçirib. Onlar İsrailin İranın nüvə obyektlərinə zərbə endirdikdən sonra dayandırılıb. Vaşinqton Tehranla birbaşa danışıqlara hazır olduğundan danışıb. Danışıqlardan imtina ediləcəyi təqdirdə Amerika hakimiyyəti İranı güc tətbiq etməklə hədələyib.
