İran ABŞ tərəfindən tətbiq edilən sanksiyaların yüngülləşdirilməsi ilə bağlı davam edən danışıqlar fonunda dünya bazarına neft tədarükünü artırmağa hazırlaşır. Banker.az bu barədə xarici KİV-ə istinadən xəbər verir.
“Bloomberg” agentliyinin İran Milli Neft Şirkətinə istinadən verdiyi məlumata görə, dövlət korporasiyası ABŞ-la razılığa gəlindiyi təqdirdə ixracatı artırmaq üçün neft yataqları hazırlamağa və potensial müştərilərlə danışıqlar aparmağa başlayıb.
“Associated Press”in vurğuladığı kimi, ABŞ-ın hazırkı prezidenti Co Bayden Tehranı nüvə müqaviləsinə qaytarmaq üçün Donald Trampın tətbiq etdiyi sərt məhdudiyyətlərdən imtina etməyə hazır olduğunu bildirib. Bu mövzuda danışıqlar bir neçə həftədir Vyanada aparılır.
