İran və İsrailin hava məkanı mülki təyyarələrin uçuşu üçün bağlıdır. Qərar ölkələrin aviasiya hakimiyyətləri tərəfindən qəbul edilib. Qeyd edək ki, bir çox aviaşirkətlər kütləvi olaraq Yaxın Şərq istiqamətində olan reysləri ləğv edir.
İyunun 13-nə keçən gecə İsrail İrana hava zərbəsi endirib. Tehran mediası şəhərdə partlayışların baş verdiyini yazıb. Bakı vaxtı ilə saat 5:00-da İsrail Müdafiə Qüvvələri (İMQ) İrandakı hərbi obyektlərə zərbələrin birinci mərhələsinin başa çatdığını elan edib.
