İran Rusiyanın “Mir” ödəniş sistemindən kartların qəbulu üzrə pilot layihəyə start verməyə hazırlaşır, bu barədə ölkənin Rusiyadakı səfirliyinin ticarət attaşesi Rəhimi Möhsün bildirib. Onun sözlərinə görə, yeni sistemin tətbiqi vaxt alacaq.
2023-cü ildə Rusiya Federasiyasından İrana turist axını 10.7 min nəfər təşkil edib. Mütəxəssislərə görə, sahənin potensialı daha böyükdür və milli kartlarla ödəniş imkanının tətbiqi turizmin inkişafına kömək edə bilər.
İran və Rusiya arasında “Mir” kartları ilə bağlı ilk müqavilələr 2022-ci ildə edilib. İkitərəfli sazişlər 2023-cü ildə bağlanıb.
Bəzi ölkələr və banklar ikinci dərəcəli sanksiya riskləri səbəbindən “Mir” kartları ilə işləməyi dayandırıblar. Kartlar Abxaziya, Cənubi Osetiya və Belarusiyada məhdudiyyətsiz qəbul edilir. Ödəniş sistemi Ermənistan, Qazaxıstan, Qırğızıstan, Tacikistan, Kuba, Venesuela və Vyetnamda məhdudiyyətlərlə işləyir. İrandan başqa Misir, Monqolustan, Hindistan, Şri-Lanka, İndoneziya və Mavrikiy də “Mir”i həyata keçirməyi planlaşdırır. Layihənin mümkün işə salınması ilə bağlı danışıqları Nikaraqua, BƏƏ, Azərbaycan, Tailand, Bəhreyn, Meksika, Çin, Suriya, İordaniya, Myanma, Peru və Malayziya aparır.
