İran Xarici İşlər Nazirliyinin sözçüsü İsmayıl Bəqayi bildirib ki, İranın nüvə proqramı ilə bağlı ABŞ ilə danışıqların altıncı raundu iyunun 15-nə planlaşdırılıb. ABŞ prezidenti Donald Tramp bundan əvvəl görüşün iyunun 12-də baş tutacağını demişdi.
“Aparılan məsləhətləşmələri nəzərə alaraq, dolayısı ilə İran-Amerika danışıqlarının növbəti raundunun gələn bazar günü Maskatda keçirilməsi planlaşdırılır”, – mesajda deyilir.
Xatırladaq ki, ABŞ və İran arasında nüvə proqramı ilə bağlı beş dəfə danışıqlar aparılıb. Donald Tramp deyib ki, Vaşinqton uranın zənginləşdirilməsindən imtina etmək istəmədiyinə görə Tehranın mövqeyindən hələlik razı deyil. İranın ali dini lideri Əli Xamneyi Vaşinqtonun şərtlərinin ölkənin maraqlarına zidd olduğunu bildirib.
