“Bank Melli İran” Bakı filialı 2026-cı ilin ilk rübünü 1 milyon 328 min manat xalis mənfəət ilə başa vurub. Filial 2025-ci ilin ilk rübünü 1 milyon 529 min manat xalis mənfəət ilə bağlayıb ki, bu da illik müqayisədə 13% azalma deməkdir.
Banker.az bu barədə bankın maliyyə hesabatına istinadən xəbər verir.
2025-ci ilin yanvar-mart aylarında “Bank Melli İran” Bakı filialının xalis faiz gəlirləri 1 milyon 384 min manat ikən, 2026-cı ilin eyni aylarında 1 milyon 355 min manata düşüb.
Cari ilin aprel ayının 1-nə İran bankının aktivləri 121 milyon 80 min manat olub ki, bu da əvvəlki ilin sonuna nisbətən 0.6% çoxdur. Bunun 2 milyon 66 min manatı müştərilərə verilmiş kreditlərdir. Son 3 ayda Bakı filialının kredit portfeli 10.5% azalıb.
Hesabat dövründə bankın cəmi öhdəlikləri 66 milyon 399 min manat, cəmi kapitalı 54 milyon 681 min manat, yığılmış zərəri isə 18 milyon 930 min manat təşkil edib.
