14 C
Baku
Wednesday, April 17, 2024

İranın xarici banklardakı depozitləri azalıb

İranın xarici banklardakı depozitləri 5.3 milyard dollar azalaraq 12.7 milyard dollara düşüb.

Məlumatı Beynəlxalq Hesablaşmalar Bankı yayıb.

Bu, 2023-cü ilin sonuncu üç rübünün, martın 21-dən dekabrın 21-dək olan dövrün göstəriciləridir.

Bildirilib ki, bu müddət ərzində İranın xarici banklarda və maliyyə qurumlarında depoziti 12 milyard 763 milyon dollar olub. Bu isə 2022-ci ilin uyğun dövrü ilə müqayisədə 5.3 milyarda dollar azalma deməkdir.

Məlumata görə, hesabat dövründə xarici banklara depozitin 69 faizi, yaxud 8 milyard 803 milyonu avro, 433 milyonu isə dollarla qoyulub.

Qeyd edək ki, Beynəlxalq Hesablaşmalar Bankının baş ofisi İsveçrənin Bazel şəhərində yerləşir. Təşkilat ildə 4 dəfə beynəlxalq bankçılıq və maliyyə bazarlarında inkişafla bağlı hesabat hazırlayır. 63 ölkənin mərkəzi bankları bu maliyyə qurumunun üzvüdür.

MənbəReport
Son xəbərlər
Digər xəbərlər