İranın xarici işlər naziri Abbas Əraqçi Sankt-Peterburqa gəlib. Bu barədə İranın IRNA agentliyi məlumat yayıb. Aprelin 27-də onun Rusiya prezidenti Vladimir Putin ilə görüşü planlaşdırılıb.
İranın Moskvadakı səfiri Kazem Jalali bildirib ki, tərəflər qarşılıqlı fəaliyyətin koordinasiyasını və regional, həmçinin beynəlxalq səviyyədə birgə proqramların irəlilədilməsini müzakirə edəcəklər.
Aprelin 26-da İranın xarici işlər naziri Abbas Əraqçi İslamabadda səfərdə olub. Həmin gün ABŞ prezidenti Donald Tramp bildirib ki, Vaşinqton İranla danışıqlar üçün Pakistana nümayəndələr göndərməyəcək.
