Yay aylarında ölkədən çıxışına “stop” qoyulan Əsgərov Əhəd Tofiq oğlu təsisçi olduğu şirkətlərdən birindəki vəzifəsindən kənarlaşıb.
Banker.az xəbər verir ki, o, “STENTOR” MMC-nin baş direktoru idi və onun vəzifədən getməsindən sonra yerinə Məsməxanım Ağayeva Çingiz qızı təyin edilib.
Əhəd Əsgərov hazırda “Optimal Elektronika” MMC-nin təsisçisi və baş direktoru, “Optimal Finance Bank Olmayan Kredit Təşkilatı” MMC-nin direktorudur.
2022-ci ilin avqustunda yerli mediada onun ölkədən vergi borcu səbəbindən Dövlət Vergi Xidmətinin Bakı şəhəri Lokal Gəlirlər Baş İdarəsi tərəfindən çıxışına qadağa qoyulması ilə bağlı xəbər yayılmışdı. Həmin vaxta borc 2 023 752 manat olduğu halda, hazırda bu borc sıfırlanıb.
