Bəzi hallarda işçi işlədiyi müəssisədə boş dayanır, vaxtının böyük əksəriyyətini fəaliyyətsiz keçirir. Buna işçinin bəyənmədiyi işlə məşğul olması, səhlənkarlıq və ya iş yerinin dəyişdirilməsi səbəb ola bilir. Bəs qanunvericiliyə əsasən, bu halda işçiyə əməkhaqqı hansı qaydada ödənilməlidir?.
Əmək Məcəlləsinin 169-cu maddəsi boşdayanma vaxtı əməyin ödənilməsi qaydasını şərh edir. Belə ki, boşdayanmanın başlanması haqqında işçi işəgötürənə və ya iş yeri üzrə rəhbərinə (briqadirə, ustaya, digər vəzifəli şəxslərə) xəbərdarlıq etdikdə, işçinin təqsiri olmadan boşdayanma vaxtı işçi üçün müəyyən edilmiş dərəcənin tarif (vəzifə) maaşının üçdə iki hissəsindən az olmayaraq ödənilir.
İşçinin təqsiri üzündən boşdayanma vaxtı isə ödənilmir.
