26 C
Baku
Monday, June 24, 2024

İşğaldan azad edilmiş ərazilərdə sahibkara dövlət zəmanəti ilə ilk kredit verilib

Azərbaycanın işğaldan azad edilmiş ərazilərində fəaliyyət gösətərən rezidentlərin maliyyəyə çıxışı artıq həll edilib.

Bunu İqtisadiyyat Nazirliyi yanında Dövlət Vergi Xidmətinin (DVX) Qarabağ Ərazi Vergilər Baş İdarəsinin rəisi Ələkbər Məmmədov deyib.

Onun sözlərinə görə, hökumət 500 milyon manat həcmində kredit portfeli təqdim edib: “Bu kreditlərin 450 milyon manatına dövlət zəmanəti verilib. Dövlət zəmanəti ilə kreditlərdən bu ərazidə çalışanlar istifadə edə bilərlər”.

Ə. Məmmədov bildirib ki, bu ərazilərdə fəaliyyət göstərən 1 sahibkar üçün 1 kreditin məbləği 5 milyon manatı keçməmək şərtilə dövlət zəmanəti verilir. Bu kreditlərin müddəti 7 il nəzərdə tutulur.

“Burda əsas məsələ kredit faizlərinin subsidiyalaşdırılmasıdır. 10 %-ə qədəri dövlət tərəfindən subsidiyalaşdırılır. Bu ilin fevral ayının əvvəlindən elektron kredit və zəmanət informasiya sistemi fəaliyyət göstərir. Bu portal üzərindən artıq müraciət də qəbul edilib. İlk sahibkar 800 min manat kreditə 720 min manat dövlət zəmanəti ilə vəsait götürüb. Bu proses davam edir”, – DVX-nın Baş İdarənin rəisi qeyd edib.

Son xəbərlər
 ⁠
Digər xəbərlər