İsrail ən böyük ticarət tərəfdaşı olan ABŞ-dən gələn mallara bütün idxal rüsumlarını ləğv edəcəyini açıqlayıb.
İsrailin Baş Nazirinin Ofisi, Maliyyə Nazirliyi və İqtisadiyyat və Sənaye Nazirliyinin birgə bəyanatına görə, Baş nazir Benyamin Netanyahunun rəhbərlik etdiyi hökumət ABŞ-dən gələn məhsullara tətbiq edilən bütün gömrük rüsumlarını ləğv etmək qərarına gəlib.
Bəyanatda həmçinin qeyd olunub ki, 1985-ci ildə ABŞ ilə imzalanan azad ticarət müqaviləsi ilə İsrail hazırda bu ölkədən idxal edilən malların əksəriyyətinə (təxminən 99 faiz) gömrük rüsumları tətbiq etmir.
ABŞ-dən idxal edilən məhsulların vergidən azad edilməsi əvvəlcə qida və kənd təsərrüfatı kateqoriyalarında məhdud sayda məhsulla başlayacaq.
Daha sonra bütün məhsullara tətbiq ediləcək.