🔴İsrail-İran qarşıdurması davam edir – Yenilənir

İranın hücumları nəticəsində İsrailin Hayfa şəhərində 5 nəfər yaralanıb.

İsrail mediası yazır ki, xəsarət alanlardan ikisinin vəziyyəti ağırdır.

13:30 –İranda bu səhər 35 raket anbarı və bir sıra buraxılış qurğuları İsrail ordusu tərəfindən hədəfə alınıb.

Hücumlar Təbriz və Kirmanşah bölgələrində həyata keçirilib.Hava əməliyyatında ümumilikdə 25 qırıcı iştirak edib. İran tərəfi bu xəbərləri təsdiq etməyib.

09:07 –İranın Beer-Şeva şəhərinə hücumu zamanı azı 30 nəfər yaralanıb.

İsrailin “Kanal 12” televiziya kanalının yaydığı məlumata görə, hücum nəticəsində binalarına və avtomobillərə ziyan dəydiyi vurğulanıb. Ehtimala görə hücumun ilkin hədəfi CyberSpark ərazisi və İsrail Ordusuna kibertəhlükəsizlik xidmətləri göstərən İT şirkətinin binası olub.

09:05 –İsrail ordusunun son 24 saatda Qəzza zolağının müxtəlif bölgələrində həyata keçirdiyi hücumlarda 84 nəfər ölüb, çoxlu sayda insan yaralanıb.

Bu haqda Qəzzanın Səhiyyə Nazirliyi məlumat yayıb.

Məlumata görə, İsrail ordusu Qəzza zolağının mərkəzi hissəsində yerləşəşn Netzarim dəhlizi ətrafında yardım paylama mərkəzinin yaxınlığında gözləyən fələstinlilərə hücum edib. Qəzza zolağının cənubundakı Xan Yunis və Rəfah arasındakı yardım paylama mərkəzinin yaxınlığında gözləyən fələstinlilər də İsrail əsgərlərinin hədəfində olub.

08:54 –İsrail Hərbi Hava Qüvvələrinə məxsus 60-dan çox döyüş təyyarəsi Tehranda onlarla hərbi obyektə hücum edib.

Bu haqda İsrail olrdusunun Mətbuat Xidməti məlumat verib.

“İranın Tehran bölgəsində bir neçə raket istehsalı obyekti gecə ərzində hücuma məruz qalıb”, – məlumatda deyilir.

09:55 –İranın İsrailə raket zərbələri nəticəsində yaralananların sayı 44-ə çatıb, 3-nün vəziyyəti ağırdı.

08:55 –Iran İsrail ərazisinə raket hücumları həyata keçirib.

Bu barədə İsrail KİV-nin məlumatına görə atılan ballistik raketlərdən biri Beer-Şeva şəhərində yerləşən “Soroka” xəstəxanasına düşüb.

Hadisə nəticəsində azı 10 nəfər xəsarət alıb.

13:15 –İsrailin İrana iyunun 15-dən bəri həyata keçirdiyi hava hücumları nəticəsində ümumilikdə 585 nəfər ölüb. Bu barədə İran mediası məlumat yayıb. Bildirilib ki, İsrailin İrana hava hücumları zamanı ümumilikdə 585 nəfər həyatını itirib, azı 1326 nəfər isə yaralanıb.

12:25 – İsrail qüvvələri Ərdəbil şəhərinin sənaye zonasında İslam İnqilabı Keşikçiləri Korpusunun (SEPAH) obyektinə hücum edib.

Bu barədə “Azad İran” “Telegram” kanalı məlumat verib.

12:19 – İsrail Hərbi Hava Qüvvələri ötən gecəki hücumları əsasən İranın ballistik raket mövqelərinə fokuslanıb.

İsrail ordusunun mətbuat xidməti xəbər verir ki, əlavə olaraq nüvə sentrifuqalarının istehsal müəssisələri də hədəfə alınıb. Bildirilib ki, İsrailin 50 qırıcısı ümumilikdə 20 hədəfi vurub. Hədəflər arasında ballistik raketlərin istehsalı üçün nəzərdə tutulan obyektlər də var.

09:04 – İsraillilərin ilk təxliyə reysi Kiprin Larnaka şəhərindən Təl-Əvivdəki Ben-Qurion hava limanına çatıb.

“Kan” dövlət televiziya və radio şirkəti məlumat yayıb ki,  bu gün Larnakadan İsrailə 10 reysin həyata keçirilməsi gözlənilir. Uçuşlar bir neçə İsrail aviaşirkəti tərəfindən yerinə yetiriləcək.

09:50 – İran İslam Respublikasının Ali Rəhbəri Seyid Əli Xamenei İsraillə hərbi münaqişənin yeni mərhələyə keçdiyini ehyam vurub.

O, bu barədə “X” sosial şəbəkəsindəki rəsmi hesabında bildirib.

Xamenei İsrailə güclü cavab verməli olduqlarını və onlara heç bir mərhəmət göstərməyəcəklərini bildirib.

09:38 – Çin, İsrailin hücumundan sonra İrana naməlum yüklərlə təchiz edilmiş gizli yük təyyarələri göndərməyə başlayıb.

07:02 –The Wall Street Journal: Ağ Evdə keçirilən qapalı iclas İrana zərbə endirmək qərarı verilmədən başa çatıb.

Vurğulanıb ki, Vaşinqtonun Tehrana qarşı əməliyyatda hərbi iştirakı görüşdə müzakirə edilən bir neçə variantdan biri olub, lakin ABŞ rəhbərliyi bundan sonrakı addımlar barədə qərar verə bilməyib.

Nəşr hesab edir ki, belə bir müzakirənin keçirilməsi gərginliyin dərəcəsinin artdığının göstəricidir. Çünki məlum olub ki, ABŞ İran probleminin güc yolu ilə həlli imkanlarını artıq nəzərdən keçirir.

07:00 –Amerika rəsmiləri hesab edirlər ki, yaxın 24-48 saat İran ətrafındakı vəziyyət üçün həlledici olacaq, çünki bu müddət ərzində Vaşinqton İsrailin hərbi əməliyyatlarına qoşulmaqla bağlı qərar verə bilər. (“ABC News” )

04:30 – “İRNA” agentliyi İslam İnqilabı Keşikçiləri Korpusunun bəyanatına istinadən məlumat yayıb ki, İran gecə hücumu zamanı İsrailin hava məkanına nəzarəti təmin edib.

“Bugünkü raket hücumu göstərdi ki, biz İsrailin səmasına tam nəzarəti ələ keçirmişik və onların sakinləri İranın raket hücumlarına qarşı tamamilə müdafiəsizdirlər”, – İİKK-nın bəyanatında deyilib.

İsrailin “Yedioth Ahronoth” nəşri Qüds ərazisində güclü partlayış səslərinin eşidildiyini yazıb. Nəşrin məlumatına görə, İran İsrailə 20-yə yaxın raket atıb.

00:35 – Dövlət Departamenti prezident Donald Trampın İsrailin İrana hücumu ilə bağlı gərgin iş qrafiki səbəbindən NATO-nun Haaqa sammitində iştirak edə bilməyəcəyini istisna etməyib.

00:22 – “Mehr” agentliyinə istinadən xəbər verir ki, İranın cənub-qərbindəki Çaharmahal və Bəxtiyariyə əyalətlərindəki hava hücumundan müdafiə sistemləri İsrailə məxsus hərbi təyyarəni vurub.

17.06.2025

23:20 – Qətərin “Al Jazeera” telekanalına adı açıqlanmayan amerikalı məmur bildirib ki, Pentaqon İsrail və İran arasında münaqişənin gərginləşəcəyi təqdirdə bir neçə variantı, o cümlədən B-52 Stratofortress strateji bombardmançılarından istifadəni nəzərdən keçirir.

23:00 – İran Müdafiə Nazirliyinin rəsmi nümayəndəsi Rza Təlayiniq bildirib ki, İran İsrailin Kəşfiyyat və Xüsusi Tapşırıqlar İdarəsinin (Mossad) Təl-Əviv yaxınlığında yerləşən qərargahına zərbələr endirmək üçün izlənilməsi və ya tutulması mümkün olmayan raketlərdən istifadə edib.

18:21 – İranın İsrailə yeni raket hücumu başlayıb.

Bununla bağlı İsrail Müdafiə Qüvvələrinin (IDF) “X” hesabında paylaşım edilib