🔴İsrail İrana zərbə endirib – Yenilənir

18:20 – İran Qətərdə ABŞ-ın bir milyard dollarlıq radarını məhv edib.

Sözügedən radar ABŞ-ın raketdən müdafiə şəbəkəsinin bir hissəsidir, uzaqmənzilli raket buraxılışlarını aşkar etmək və izləmək üçün nəzərdə tutulub.

18:06 – “Reuters”: İranın müdafiə naziri Əziz Nəsirzadə və SEPAH-ın rəisi Məhəmməd Pakpur öldürülüb.

14:12 – “Reuters”: SEPAH-ın komandirləri və siyasi xadimlər öldürülüb.

14:09 – İsrail KİV: Xamenei və Pezeşkian hədəf alınıb, nəticə məlum deyil.

12:30 – KİV: “İranın İsrailə qarşı raket əməliyyatının adı “Fateh Xeybər” dir”.

12:30 – İrandan yeni raket zərbələri başlayıb, bu dəfə Təl‑Əviv və İsrailin mərkəzi hissələrinə doğru buraxılan raketlər barədə məlumatlar var.

12:16 – İranın İsrail istiqamətində ilk ballistik raket dalğasını buraxdığı bildirilir.

Məlumatlara görə, təxminən 30 raket atılıb.

11:38 – İsrail İrana yeni hücumunu “Şir nərəsi” adlandırıb.

11:03 – İranın hava məkanı bağlanıb.

11:02 – Qum və İsfahanda da partlayışlar baş verir.

11:00 – İsrail və İran arasındakı gərnginlik fonunda kriptolar çökür. ETH təkcə 24 saata 10% ucuzlaşıb.

10:59 – İrana qarşı hücum ABŞ və İsrailin müştərək hücumudur.

İsrail İranda təxminən 30 hədəfə zərbələr endirib.

10:56 – “Reuters”: İranın Ali Rəhbəri Əli Xamenei Tehranda deyil və təhlükəsiz bir yerə köçürülüb.

10:54 – İsrailin hücum etdikləri hədəflər arasında İranın Ali Rəhbəri Əli Xameneinin ofisi də var.

10:53 – İsrail hava məkanını bağlayıb.

10:48 – KİV: İsrai İran ərazisində təxminən 30 hədəf vurub. Bildirilir ki, bu hədəflər arasında İran Prezidentinin iqamətgahı və kəşfiyyat qərargahı da var.

10:41 – İsraildə fövqəladə vəziyyət elan edilib.

Bunu İsrailin müdafiə naziri İsrael Katz deyib.

O bildirib ki, bu qərar gözlənilən mümkün raket və PUA hücumları fonunda verilib.

10:36 – İsrail Dövləti ölkəyə qarşı təhdidləri aradan qaldırmaq üçün İrana qarşı qabaqlayıcı zərbə edib.

Bunu müdafiə naziri İsrael Katz deyib.

O bildirib ki, yaxın gələcəkdə İsrail Dövlətinə və onun mülki əhalisinə qarşı raket və pilotsuz təyyarə hücumu gözlənilir.

Buna görə də, müdafiə naziri İsrael Katz İsrail Dövlətinin bütün ərazisində cəbhədə xüsusi fövqəladə vəziyyət tətbiq ediləcək xüsusi bir əmr imzalayıb.

“Cəbhə Komandanlığının və hakimiyyət orqanlarının təlimatlarına əməl edilməli və qorunan ərazilər qorunmalıdır”, – nazir qeyd edib.