İsrail Müdafiə Qüvvələri (SAXAL) Livanın “Hizbullah” hərəkatının Beyrutdakı komanda mərkəzlərinə zərbələr endirildiyini bəyan edib.
“SAXAL hazırda Beyrutda “Hizbullah”ın komanda mərkəzlərinə və silah anbarlarına zərbələr endirir”, — deyə qurumun Telegram kanalında bildirilib.
Martın 2-də İsrail “Hizbullah”a qarşı əməliyyatın başlandığını elan edib. Livan ərazisinə endirilən zərbələr nəticəsində 31 nəfər həlak olub, daha 149 nəfər yaralanıb. Beyrutun ətrafına edilən hücumlar zamanı Livanda “İslam Cihadı” hərəkatının silahlı qanadının rəhbəri Ədham əl-Osman, eləcə də “Müqavimətə Sadiqlik” parlament fraksiyasının rəhbəri Məhəmməd Raad həlak olub.
