2022-ci ilin sonunda İsraildə inflyasiya səviyyəsi son 20 ilin ən yüksək səviyyəsinə çatıb.
Bu barədə İsrail Mərkəzi Statistika Bürosu məlum yayıb.
Bildirilib ki, ötən ilin sonunda – oktyabr-dekabr aylarında istehlak qiymətləri indeksi 0.3 % artıb. Statistik xülasəyə əsasən, 2022-ci ildə illik inflyasiya 5.3 % təşkil edib.
“Yedioth Ahronoth”un məlumatına görə, bu, 2002-ci ildən bəri ən yüksək göstəricidir. Həmin dövrdə illik inflyasiya 6.3 % təşkil edib və o vaxtdan indiyədək heç vaxt 3.9 %-lik həddi keçməyib.
