2022-ci ilin yanvar-may aylarında məcburi dövlət sosial sığorta haqları üzrə daxilolmalar 1 mlrd. 815 milyon 822.4 min manat təşkil etməklə ötən ilin müvafiq dövrü ilə müqayisədə 18.6% və ya 285 mln. 131.9 min manat artıb, daxilolmalar üzrə proqnoz 157 mln. 656.6 min manat artıq icra edilib.
Banker.az xəbər verir ki, bu barədə Dövlət Vergi Xidmətinin hesabatında deyilir.
Qeyri-büdcə təşkilatları üzrə daxilolmalar ötən ilin eyni dövrü ilə müqayisədə 20.5% artaraq 1mlrd. 155 mln. 568.6 min manat təşkil edib, proqnoz 119.7% icra olunub.
İşsizlikdən sığorta haqları üzrə daxilolmalar ötən ilin eyni dövrü ilə müqayisədə 19.5% artaraq 62 mln. 641.7 min manat olub, proqnoz 115.1% icra edilib. Qeyri-büdcə təşkilatları üzrə daxilolmalar isə 20.5% artaraq 46.2 mln. manat təşkil edib, daxilolmalar üzrə proqnoz 125.6% icra olunub.
