İstanbulda İran nümayəndə heyəti ilə “Avropa üçlüyü” (Fransa, Böyük Britaniya, Almaniya) arasında İslam Respublikasının nüvə proqramı məsələsi ilə bağlı danışıqlar başlayıb. Bu, Yaxın Şərqdə 12 günlük müharibənin başlamasından sonra tərəflərin ilk görüşüdür.
Danışıqlardan əvvəl İranın xarici işlər naziri Abbas Əraqçi deyib ki, Tehranın mövqeyi “möhkəm və sarsılmaz” olaraq qalır. O, ölkənin uranı zənginləşdirməyə davam edəcəyini və bununla bağlı qanuni hüququndan əl çəkməyəcəyini bildirib.
2015-ci ildə İran və altı beynəlxalq vasitəçi (İngiltərə, Almaniya, Çin, Rusiya, ABŞ və Fransa) sanksiyaların yüngülləşdirilməsi müqabilində İranın nüvə proqramını məhdudlaşdıran Birgə Hərtərəfli Fəaliyyət Planını imzalayıblar. 2018-ci ildə ABŞ sazişdən çıxıb və İran tədricən bəzi öhdəliklərdən imtina etməyə başlayıb. Müqavilə həmçinin “snapback” mexanizmini – BMT Təhlükəsizlik Şurasının Tehrana qarşı bütün sanksiyalarının bərpa edilməsini nəzərdə tutur. “Snapback”in müddəti oktyabrın 18-də başa çatır.
